• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نئے نیب قانون میں کچھ کوتاہیاں ہیں جنہیں دیکھ رہے ہیں، چیف جسٹس

آج کا اخبار
اہم خبریں
15 فروری ، 2023
اسلام آباد(ٹی وی رپورٹ)چیف جسٹس پاکستان جسٹس عمر عطاء بندیال نے کہا ہے کہ نئے نیب قانون میں کچھ کوتاہیاں ہیں جنہیں ہم دیکھ رہے ہیں۔ کیا نیب کے دائرہ اختیار سے نکلنے والے مقدمات ختم ہوگئے؟چیف جسٹس پاکستان جسٹس عمر عطاء بندیال کی سربراہی میں سپریم کورٹ کے فاضل بنچ نے کرپشن کے ملزم نواب خان کی ضمانت منسوخ کرنے کے لئے نیب کی درخواست کی سماعت کی۔ نیب پراسیکیوٹر نے موقف اختیار کیا کہ نیب آرڈیننس میں ترامیم کے بعد 23 کروڑ کی کرپشن کا کیس ہمارے دائرہ اختیار سے نکل گیا، دائرہ اختیار سے نکلنے پر ضمانت منسوخی کی درخواست غیر موثر ہوگئی۔ چیف جسٹس نے نیب پراسیکیوٹر سے استفسار کیا کہ صرف 23 کروڑ روپے کی کرپشن ہے 50 کروڑ کی نہیں؟ کیا نیب کے دائرہ اختیار سے نکلنے والے مقدمات ختم ہوگئے؟ جواب میں نیب پراسیکیوٹر نے کہا کہ نیب مقدمات واپس نہیں لے رہا مگر عدالتیں کیسز واپس کررہی ہیں۔ چیف جسٹس عمر عطاء بندیال نے استفسار کیا کہ کیا نئے قانون میں یہ نہیں لکھا کہ مقدمات کہاں بھیجنے ہیں؟ دوران سماعت چیف جسٹس عمر عطاء بندیال نے ریمارکس دیئے کہ نئے نیب قانون میں کچھ کوتاہیاں ہیں جنہیں ہم دیکھ رہے ہیں۔ بعد ازاں سپریم کورٹ نے ملزم کی ضمانت منسوخی کی درخواست غیر مؤثر ہونے پر خارج کردی۔
اہم خبریں سے مزید