• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

PSL، سیکورٹی کیلئے متبادل پلان کے باوجود گھنٹوں ٹریفک جام، شہری پریشان

آج کا اخبار
اہم خبریں
15 فروری ، 2023
کراچی (اسٹاف رپورٹر)پی ایس ایل میچز کی سیکورٹی کے لیے سڑکوں کی بندش اور متبادل ٹریفک پلان کے باوجود کئی گھنٹوں تک ٹریفک جام رہا جس کے باعث شہریوں کو شدید پریشانی کا سامنا کرنا پڑا۔ تفصیلات کے مطابق پی ایس ایل سیزن 8 کے کراچی میں شروع ہونے والے میچز کی سکیورٹی کے باعث حسن اسکوائر سے اسٹیڈیم کے لئے جانے والی شاہراہ کو میچ شروع ہونے سے کئی گھنٹے قبل ہی بند کر دیا گیا جبکہ اطراف کی سڑکوں پر جاری ترقیاتی کاموں اور سیوریج کا پانی جمع ہونے والے پانی کے باعث منگل کو بدترین ٹریفک جام ہو گیا۔ جیل چورنگی سے حسن اسکوائر جانے والے سڑک پر گاڑیوں کی طویل قطاریں لگ گئیں۔حسن اسکوائر سے نیپا جانے والی شاہراہ کی سروس روڈ پر تجاوزات نے صورتحال مزید خراب کر دی۔شہریوں نے منٹوں کا سفر گھنٹوں میں طے کیا۔
اہم خبریں سے مزید