فرمان الہی
نماز کے اوقات
کراچی ( اسٹاف رپورٹر) لاہور قلندر کے کھلاڑیوں نے دن میں ہاکی کھیلی اور رات میں نیشنل اسٹیڈیم میں اتوار کو کراچی کنگز کے خلاف میچ کے لئے پریکٹس کی۔ دریں اثنا لاہور قلندرز کے ویسٹ انڈین اسٹار شائے ہوپ نے کہا ہے کہ شاہین شاہ آفریدی شاہ حارث رؤف جیسے کھلاڑیوں کے ساتھ ڈریسنگ روم میں وقت گذارنے پر خوش ہوں، یہ دونوں اچھے فاسٹ بولر ہیں، ان کے ساتھ کھیل کربہت لطف اندوز ہورہا ہوں۔ ایک انٹرویو میں انہوں نے کہا کہ فاسٹ بولر شاہین شاہ کی بولنگ کا سامنا نہ کرنے پر خوش ہوں، دنیا کے بہترین ٹی ٹوئنٹی پلیئرز سے سیکھنے کا موقع بھی ملےگا، پہلے میچ میں فاتح ٹیم کا حصہ بننے پرخوش ہوں، کوشش ہے کہ میں خود کو پہلے سے بہتر کرکٹر بناؤں، لاہور قلندرز کا آغاز اچھا ہوا، ہر کھلاڑی پاکستان سپر لیگ کی تعریف کررہا ہے۔ پاکستان نے اپنی لیگ کا معیار کافی بلند رکھا ہے، وقت آگیا ہے کہ ویسٹ انڈیز کے کرکٹرز ٹیم کی بہتری کیلئے ذمہ داری لیں کیونکہ ویسٹ انڈیز ٹیم کو پہلے کی طرح ایک مضبوط ٹیم بنانا ہے۔
