فرمان الہی
نماز کے اوقات
کراچی( اسٹاف رپورٹر) ایچ بی ایل پی ایس ایل میں اسلام آباد یونائیٹڈ کی نمائندگی کرنے والے بیٹسمین کولن منرو نے نوجوان وکٹ کیپر بیٹر اعظم خان کی پاکستان کر کٹ ٹیم میں عدم شمولیت پر سوال اٹھادیا، میڈیا سے بات چیت میں انہوں نے کہا کہ وہ حیران ہیں کہ اعظم پاکستان ٹیم میں کیوں منتخب نہیں ہو رہے، انہوں نے پاکستان سپر لیگ کی تعریف کرتے ہوئے کہا کہ ہر کوئی کہتا ہے کہ پاکستان سپر لیگ میں فاسٹ بولنگ کا ٹیلنٹ شاندار ہے، کچھ بولرز تو ایسے ہیں جن کا سامنا کرنے سے بیٹسمین گھبراتے ہیں، ملتان کی جانب سے احسان اللہ نے شاندار بولنگ بلکہ بہت تیز بولنگ کی، پاکستان سپر لیگ ایک مشکل ٹورنامنٹ ہے کیوں کہ یہاں مختلف کنڈیشنز کا سامنا کرنا پڑتا ہے، کوئی شک نہیں کہ یہ دنیا کے بہترین ٹورنامنٹس میں سے ایک ہے، انہوں نے اعظم خان کی بیٹنگ کی تعریف کرتے ہوئے کہا کہ انہوں نے کراچی کے خلاف کمال کی بیٹنگ کی، انہیں سمجھ نہیں آتا کہ اعظم خان پاکستان ٹیم میں کیوں نہیں کھیل رہے، ان کی اور بھی پلیئرز سے اس حوالے سے بات ہوئی۔ انہوں نے کہا کہ بہت سے لوگ اعظم کے وزن پر اعتراض کرتے ہیں لیکن اگر وہ پاکستان کے بہترین بیٹرز میں سے ایک ہیں تو پھر انہیں ٹیم میں کیوں نہیں لیا جارہا ۔ اسلام آباد یونائیٹڈ کے کھلاڑی نے یہ بھی کہا کہ اس وکٹ پر 175 اچھا اسکور تھا، کراچی کے حیدر علی نے اچھی بیٹنگ کی اسلام آباد نے اچھی حکمت عملی سے میچ جیتا، ریسی ون ڈر ڈوسن اور اعظم نے شاندار بیٹنگ کی۔
