فرمان الہی
نماز کے اوقات
کراچی(اسٹاف رپورٹر) ملتان سلطانز کے لیگ اسپنر اسامہ میر نے چار اوورز میں33رنز دے کر دو وکٹ حاصل کئے۔ان کا کہنا ہے کہ اسلام آباد یونائیٹڈ مختلف انداز میں کرکٹ کھیلتی ہے۔ ہمارے لیے چیلنج تھا،ہم نے پلان کے مطابق کرکٹ کھیلی اور کامیابی ملی ، سوہن حلوہ بھی کھا رہے ہیں اور متحد ہو کھیل رہے ہیں ،ہمارا کپتان بڑا دلیر ہے ، وہ فرنٹ سے لیڈ کر رہے ہیں۔ مسلسل تین فتوحات کی وجہ سے خوشی ہو رہی ہے پچ اس قدر بھی مدد نہیں کر رہی تھی اس لئے اچھی ایریاز میں بولنگ کرنا پڑی۔ اتوار کو میچ کے بعد پریس کانفرنس میں انہوں نے کہا کہ ملتان کے تماشائیوں کی طرف سے بہت حمایت مل رہی ہے ۔ کوچز بہت اچھے ہیں۔ صلاحیتوں پر اعتماد ہے حالانکہ بولنگ میں بڑے نام اور تجربہ نہیں،ہم بہتر سے بہتر کرنے کی کوشش کر رہے ہیں ، بولر کی حثیت سے پہلی کوشش یہی ہوتی ہے کہ ایسی پرفارمنس دوں کہ ٹیم کو اس کا فائدہ ہو۔
