• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آفتاب سلطان کا استعفیٰ، ڈی جی نیب لاہور علی سرفراز کو ہٹانے کا فیصلہ

آج کا اخبار
اہم خبریں
22 فروری ، 2023
لاہور (نمائندہ جنگ) چیئرمین نیب آفتاب سلطان کے استعفے کے بعد نیب میں بڑے پیمانے پر تبدیلیوں کا فیصلہ کیا گیا ہے ۔ذرائع کے مطابق چیئرمین نیب آفتاب سلطان کے مستعفی ہونے کے بعد نیب میں تبدیلیاں شروع کردی گئی ہیں اور ڈی جی نیب لاہور علی سرفراز کو ہٹانے کا فیصلہ کیا گیا ہے۔پنجاب حکومت نے ڈی جی نیب لاہور علی سرفراز کی خدمات مانگ لی ہیں، اس سلسلے میں پنجاب حکومت نے علی سرفراز کی خدمات کے لئے سیکرٹری الیکشن کمیشن آف پاکستان کو خط لکھ دیا ہے۔ذرائع کا کہنا ہے کہ علی سرفراز کو پنجاب میں چیئرمین محکمہ ترقی و منصوبہ بندی تعینات کیا جائے گا، علی سرفراز اس سے قبل حمزہ شہبازشریف کے دور میں بھی چیئرمین پی اینڈ ڈی رہ چکے ہیں۔
اہم خبریں سے مزید