فرمان الہی
نماز کے اوقات
کراچی (اسٹاف رپورٹر) ایچ بی ایل پاکستان سپر لیگ8میں ملتان سلطانز کی ٹیم شاندار پرفارمنس پیش کررہی ہے۔ انہوں نے اپنے ہوم گراؤنڈ پر بہترین کرکٹ کھیل کر تماشائیوں کے دل جیت لیے، وہ اب پانچ میچز سے چار جیت کر 8 پوائنٹس کے ساتھ پوائنٹس ٹیبل پر سر فہرست ہے۔ کپتان محمد رضوان پانچ میچز میں 329 رنز بناکر ٹاپ اسکورر ہیں، بولنگ میں احسان اللہ 12 وکٹ لےکر پہلے اور عباس آفریدی 10شکار کے ساتھ دوسرے نمبر پر ہیں۔بدھ کو کراچی کنگز کے خلاف اعصاب شکن فتح کے بعد سلطانز کے کپتان محمد رضوان نے کہا کہ ملتان کے تماشائیوں نے ہمارے دل موہ لئے میں ابتدا میں اچھا نہیں کھیلا۔ لیکن شعیب ملک اور عمران طاہر جیسے منجھے ہوئے بولروں نے مجھے مشکل میں ڈالی اور ان کے خلاف شاٹس کھیلنا آسان نہیں تھا۔میچ کے بعد انہوں نے کہا کہ ہم نے دس بارہ رنز کم بنائے لیکن ہمارے تمام بولروں کو کریڈٹ جاتا ہے۔ خوش دل سمیت تمام بولروں نےاچھی بولنگ کی۔ عمادوسیم نے کہا کہ ہمیں میچ اویرنس آنی چاہئے۔ ہم قریب آکر ایک اور میچ ہار گئے۔
