فرمان الہی
نماز کے اوقات
کراچی (اسٹاف رپورٹر) پاکستان سپر لیگ کےلئے لاہور قلندرز کرکٹ ٹیم نے کراچی سے لاہور پہنچ کر قذافی اسٹیڈیم میں پریکٹس سیشن میں شرکت کی۔ اس سے قبل دوپہر میں کھلاڑیوں نے جم سیشن میں حصہ لیا۔ دفاعی چیمپئن اپنے ہوم گراؤنڈ پر جلوے بکھیرنےکیلئے تیار ہے، اس کے اب تین میچز میں دو فتوحات کے ساتھ چار پوائنٹس ہیں۔ انگلش وکٹ کیپر بیٹر جارڈن کوکس نے لاہور قلندرز کے اسکواڈ کو جوائن کرلیا ہے۔ جمعرات کو پریکٹس سیشن کے بعد پریس کانفرنس میں نوجوان بیٹر مرزا طاہر بیگ نے کہا کہ لاہور میں کھیلنے کیلئے پرجوش ہوں دفاعی چیمپئن ہیں، کوشش ہوتی ہے میچ کو انجوائے کریں شاہین آفریدی سمیت دیگر بولروں کو کھیل کر سیکھنے کا موقع ملتا ہے۔ میرے لیے یہ نئی جگہ ہے اپنی کوشش ہوتی ہے کہ جم کر پررفامنس کرو ں۔ انہوں نے کہا کہ ہر ٹیم کی خواہش ہے کہ وہ جیتے ۔ تمام کھلاڑی پرجوش ہو کر کھیلتے ہیں۔ پہلا سیزن ہے ۔ ٹورنامنٹ سے بہت کچھ سیکھ رہا ہوں۔ تمام ٹیم بہت اچھی ہیں سب ہی اچھا کھیل رہی ہیں ۔ طاہر بیگ نے کہا کہ اے بی ڈی ویلیئرز میرا پسندیدہ کھلاڑی ہے، کوشش ہوتی ویسا کھیلوں ۔کوچز کافی اعتماد دے رہے ہیں، پلان کے مطابق کھیلتا ہوں ۔ پاورپلے میں اچھا آغاز ہوتا ہے۔
