فرمان الہی
نماز کے اوقات
کراچی(اسٹاف رپورٹر)کوئٹہ گلیڈی ایٹرز کو امید ہے کہ کراچی میں پانچ میں سے چار میچ ہارنے کے بعد لاہور اور پنڈی میں ان کی قسمت تبدیل ہوگی اور بقیہ پانچ میچوں میں ٹیم کامیابی حاصل کرکے وننگ ٹریک پر آجائے گی۔کوئٹہ کے بولنگ کوچ عمر گل کا کہنا ہے کہ پانچ میچ باقی ہیں، اب بھی بہتر ہوسکتا ہے۔اسلام آباد کے ہاتھوں شکست کے بعد پریس کانفرنس میں انہوں نے کہا کہ کراچی اور کوئٹہ نے جن کھلاڑیوںکو ریلیز کیا، انہوں نے ہمارے خلاف ہی پرفارم کردیا، رائیلی روسو کو ریلیز کیا اس نے پرفارم کردیا، اعظم کو ریلیز کیا اس نے پرفارم کیا۔اعظم خان کی بیٹنگ نے آج کے میچ پر بہت فرق ڈالا ہے، انہوں نے جس طرح بیٹنگ کی ہے اس نے میچ کو ون سائیڈڈ بنادیا، معین خان بطور پروفیشنل کوچ مایوس ہوں گے لیکن بطور والد ضرور خوش ہوئے ہوں گے۔انہوں نے مزید کہا کہ ہم اچھے کمبی نیشن کی تلاش میں ہیں، جب آپ اہم کھلاڑیوںسے محروم ہوجاتے ہیں تو اس کے بعد کامبی نیشن بنانا مشکل ہوجاتا، ہمیں توقع تھی کہ ہسرنگا آئے گا، اس کے حساب سے کمبی نیشن بنایا تھا۔ ٹورنامنٹ میں اب تک ہم اچھی کرکٹ نہیں کھیل رہے، ہمیں تینوں شعبوں میں بہتر کرنا ہوگا۔عمر گل نے کہا کہ وقفے وقفے سے کچھ بہتر ہوتا، مگر فنش اچھا نہیں کر پا رہے ہیں، فیلڈنگ میں ہم بہتر کرسکتے تھے، ہم کم بیک کرسکتے ہی، ابھی ہم ٹورنامنٹ سے باہر نہیں ہوئے، اب بھی موقع ہے ہم واپس آسکتے ہیں۔
