فرمان الہی
نماز کے اوقات
کراچی(اسٹاف رپورٹر)اسلام آباد یونائٹیڈ کی ٹیم کراچی میں پاکستان سپر لیگ کے میچ کھیلنے کے بعد لاہور پہنچ گئی ہے۔ شاداب خان نے کراچی کے شہریوں کے لیے پیغام جاری کردیاہے۔سوشل میڈیا اکاؤنٹ پر شاداب خان نے مداحوں کو کراچی سے لاہور روانگی کی اطلاع دی۔انہوں نے ٹوئٹر پر لکھا کہ شاندار میزبان ہونے کے لیے کراچی کا بہت شکریہ۔ میرے دل میں کراچی کے لیے خاص جگہ ہے اسلام آباد یونائیٹڈ لاہور اور راولپنڈی کی مختلف کنڈیشنز میں ایڈجسٹ ہونے کی کوشش کرے گی۔۔اسلام آباد یونائیٹڈ کے کپتان نے کراچی کے شہریوں اور تمام سیکیورٹی ایجنسیز کی بھی تعریف کی۔واضح رہے کہ گزشتہ روز کراچی میں کھیلے گئے ایچ بی ایل پی ایس ایل 8 کے 13ویں میچ میں اسلام آباد یونائیٹڈ نے کوئٹہ گلیڈی ایٹرز کو 63 رنز سے شکست دے کر ایونٹ میں تیسری فتح اپنے نام کی تھی۔پی ایس ایل میں اسلام آباد یونائیٹڈ کا اگلا میچ پیر کو لاہور میں لاہور قلندرز کے خلاف شیڈول ہے۔
