فرمان الہی
نماز کے اوقات
کراچی (اسٹاف رپورٹر) پاکستان سپر لیگ میں اسلام آباد کی شرم ناک شکست کے بعد شاداب خان نے اپنے پرستاروں سے معذرت کی ہے۔ میچ کے بعد انہوں نے کہا کہ ہم نے خراب کرکٹ کھیلی۔پچ آسان نہیں تھی اس پر170،180رنز بننا چاہیے تھا۔ لاہور کو سپورٹ مل رہی تھی لیکن ہم نے اچھی کرکٹ نہیں کھیلی۔ لاہور میں مسلسل دوسرا میچ جیتنے والے کپتان شاہین شاہ آفریدی نے کہا کہ ہماری بیٹنگ نے کردار ادا کیا اور توقعات پوری ہوئیں۔ پشاور کے خلاف رنز زیادہ دیئے لیکن اسلام آباد کے خلاف راشد خان اور سکندر رضا نے بہت اچھی بولنگ کی۔ انہوں نے کہا کہ مجھے خوشی ہے کہ میرے نوجوان بھی کارکردگی دکھارہے ہیں۔ ڈیوڈ ویزے نے پلیئر آف دی میچ ایوار ڈ جیتنے کے بعد کہا کہ پچ کل سے مختلف اور ڈرائی تھی۔ ہم نے حریف ٹیم کو پریشر میں رکھا۔ میں قلندرز کے ساتھ انجوائے کررہا ہوں۔
