فرمان الہی
نماز کے اوقات
کراچی (جنگ نیوز) ٹی 20 کرکٹ میں کم ترین اسکور کا عالمی ریکارڈ قائم ہوگیا۔ آئل آف مین کی کرکٹ ٹیم اتوار کو اسپین کے خلاف صرف 10رنز پر آؤٹ ہو گئی جو مردوں کی ٹی ٹوئنٹی کرکٹ کی تاریخ میں اب تک کا سب سے کم اسکور ہے۔ فرانسیسی خبر رساں ایجنسی کے مطابق اسپین کے شہر کارٹیجینا میں کھیلے گئے میچ میں آئل آف مین کی جانب سے جوزف بروز چار رنز بنا کر ٹاپ اسکورر رہے ۔ سات کھلاڑی بغیر کوئی رن بنائے آؤٹ ہوئے۔ فاسٹ بولرز عاطف محمود اور محمد کامران نے چار چار وکٹیں حاصل کیں۔ محمد کامران نے ہیٹ ٹرک بھی کی۔ ہسپانوی ٹیم کو اوپنر اویس احمد نے لگاتار دو چھکے مار کر فتح دلادی۔ اس سے قبل اس فارمیٹ میں کم ترین اسکور سڈنی تھنڈر کا بگ بیش لیگ میں تھا۔ انہوں نے گذشتہ سال ایڈیلیڈ اسٹرائیکرز کے خلاف صرف 15 رنز بنائے تھے۔
