فرمان الہی
نماز کے اوقات
کراچی ( اسٹاف رپورٹر)شاہین آفریدی کی قیادت میں دفاعی چیمپئن لاہور قلندرزحریف ٹیموں کو آؤٹ کلاس کرتے ہوئے پلے آف کی جانب پیش قدمی کررہی ہے۔ پانچویں میچ میں چوتھی کامیابی حاصل کرنے کے بعد قلندرز ٹاپ پر آگئے ہیں۔ ملتان کے بھی 8پوائنٹس ہیں اس کا دوسرا اور اسلام آباد کا تیسرا نمبر ہے۔ اسلام آباد نے پانچ میں سے تین میچ جیتے ہیں اور دو میں اسے شکست ہوئی ہے۔قلندرز نے پی ایس ایل میں نویں بار دوسو رنز بنائے۔ ان کی جانب سے کوئی بیٹسمین نصف سنچری بنانے میں کامیاب نہ ہوسکا۔شاہین آفریدی لیگ میں اب تک 10 وکٹ لے کر دوسرے نمبر پر آگئے ہیں،ملتان سلطانز کے احسان اللہ 14وکٹ کے ساتھ سرفہرست ہیں۔ بیٹرز میں سلطانز کے محمد رضوان 358رنز بناکر نمبر ون جبکہ قلندز کے فخر زمان 235رنز کے ساتھ دوسرے نمبر پر ہیں۔
