فرمان الہی
نماز کے اوقات
کراچی (اسٹاف رپورٹر) کومبیکس روشن خان نیشنل ٹیم اسکواش چیمپئن شپ یکم مارچ سے پاکستان نیوی روشن خان جہانگیر خان اسکواش کمپلیکس کراچی میں کھیلی جائے گی۔ ایونٹ میں مردوں کے مقابلوں میں واپڈا، آرمی، پاکستان نیوی،خیبرپختونخواہ، پنجاب، سندھ اوربلوچستان جبکہ خواتین کے ایونٹ میں واپڈا، آرمی، سندھ، پنجاب اور بلوچستان کی ٹیمیں حصہ لیں گی۔ آرگنائزنگ سیکریٹری لیفٹنٹ کمانڈر رحمت اللہ نے کہا کہ کچھ مشکلات اورکورونا کے باعث پانچ سال تک چیمپئن شپ نہیں ہوسکی۔ سابق عالمی چیمپئن جہانگیر خان نے کہا کہ ایئر فورس کی ٹیم کا ایونٹ میں نہ ہونا حیران کن ہے ۔ جہانگیر خان کا کہنا تھا کہ آج کے کھلاڑی دستیاب سہولتوں سے درست فائدہ نہیں اٹھاتے، مستقبل کے جہانگیر خان بننے کے لئے بہت محنت اور سہولتوں کا درست استعمال ضروری ہے۔کومبیکس اسپورٹس کے سی ای اے عمر سعید کاکہنا تھا کہ ہمارا مقصد گراس روٹ لیول سے ا سکواش کے کھیل کو فروغ دینا اور نئے ٹیلنٹ کو اجاگر کرنا ہے۔
