بہاولپور( توصیف احمد)اسلامیہ یونیورسٹی بہاولپور میں تیسرے سالانہ ادبی ، ثفافتی میلہ کاباقاعدہ آغاز ہو گیاہے۔ وائس چانسلر انجینئر پروفیسر ڈاکٹر اطہر محبوب، کمشنر بہاول پور ڈاکٹر احتشام انور ، ڈپٹی کمشنر ظہیر احمد جپہ ، سید تابش الوری اور صدر چیمبر آف کامرس اینڈ انڈسٹری بہاول پور چوہدری ذولفقار علی مان نے فیسٹیول کا افتتاح کیا۔ اصغر ندیم سید، جامی چانڈیو،حنا جیلانی، نذیر لغاری،سردار علی شاہ،پروفیسر ڈاکٹر حمید رضا صدیقی، حفیظ خان ، ڈینز، پرنسپل آ فیسر، دیگر اساتذہ اور افسران بھی موجود تھے ۔ پروفیسر ڈاکٹر اطہر محبوب نے خطاب کرتے ہوئے کہا یہ فیسٹیول ہمیں نئے راستوں کو متعین کرنے کا موقع فراہم کر رہا ہے ، ڈاکٹر احتشام انور نے کہا ایسے ادبی و ثقافتی فیسٹیولزسے نوجوانوں کو اپنی ثقافت کے بارے میں جاننے کا موقع ملتا ہے۔ جامی چانڈیو نے کہا اس طرح کے فیسٹیول سے معاشرے کی تشکیل میں مدد ملتی ہے۔تقریبات میں عقیل عباس جعفری، سجاد پرویز، نعیم مسعود، حسنین جمال، اظہر مجوکا، اجمل ساجد، جمیل پروانہ، موہن بھگت، ظہور احمد لوہار، واہاب بھگتی،جاوید اقبال، مجاہد بریلوی، آمنا مفتی، انوار سین رائے، فصیح باری خان، ہرمیت سنگھ، عمران عباس، محمد طاہر حسن، ناصر ادیب، ظفر اقبال سندھو، سیما کمرانی، شاکر شجاع آبادی، عباس تابش، آغا صدف مہدی، امبریں حسین امبر، اظہر فراغ، گل نوخیزاختر، جہانگیر مخلیز، انعام الحق جاوید، منصور آفاق، ندیم بھابھا، ناصرہ زبیری، صباحت عروج، شہبار نئیر، سلیم ساغر، شاہد مکلی، شوکت فہیم، سید تابش الوری، طاہر شہیر، عمیر نجمی، وصی شاہ، واصف علی، زاہد فخری، ذیشان اطہر، جنید سلیم ، سلیم صافی اور دیگر نامور شخصیات شرکت کرینگی،20کتابوں کی تقریب رونمائی بھی ہو گی۔ روبرو سلسلے میں پروفیسر ڈاکٹر اطہر محبوب ،حسنین جمال، مجاہد بریلوی، سیما کمرانی، خلیل الرحمان قمر، اوریا مقبول جان کے ساتھ خصوصی نشستیں منعقد ہوں گی۔ علاقائی موسیقی اور تھیٹر ڈراموں کا خصوصی اہتمام ہوگا۔ بہاولپور لٹریری اینڈ کلچرل فیسٹیول کا اہم حصہ میڈیا کنکلیو ہے اس باردو حصوں میں تقسیم کیا گیا ہے پہلے حصے کا موضوع پاکستانی فلم انڈسٹری کل اور آج جس میں امان اللہ سپرا، آمنا مفتی، انور سین رائے ، فصیح بری خان، ہرمیت سنگھ، عمران عباس، محمد طاہر حسین، مجاہد بریلوی، نعیم مسعود، ناصر ادیب، نذیر لغاری اور ظفر اقبال سندھو شریک ہوں گے۔ اسی طرح دوسرے حصے کا موضوع بول کے لب آزاد ہیں تیرے، جس میں اشرف شریف، اظہر مجوکا، گل نو خیز اختر، ارشاد احمد عارف، جنید سلیم ، محسن بھٹی، نسیم شاہد، اوریا مقبول جان، سجاد جہانیاں، سجاد میر، سلیم صافی، شاہد اجمل ملک، شاکر حسن شاکر، توفیق بٹ شریک ہوں گے۔
فرمان الہی
نماز کے اوقات
