فرمان الہی
نماز کے اوقات
کراچی (اسٹاف رپورٹر) پاکستان کرکٹ ٹیم کی مسلسل بدترین کارکردگی کے بعدکپتان بسمہ معروف نے استعفیٰ دے دیا، نجم سیٹھی نے ان کا استعفیٰ قبول کرلیا ہے۔ نجم سیٹھی نے آدھی رات کو سوشل میڈیا پر بسمعہ معروف کے استعفے کا اعلان کیا اور اس کے کئی گھنٹے بعد پاکستان کرکٹ بورڈ کے میڈیا ڈپارٹمنٹ نے اس کا باضابطہ اعلان کیا۔ انہوں نے مزید کہا کہ بسمہ معروف نوجوان کھلاڑیوں کو موقع دینا چاہتی ہیں۔ خوشی کی بات ہے کہ وہ پاکستان کیلئے کھیلتی رہیں گی، وہ نئی کھلاڑی کو قیادت سونپنے کے حق میں ہیں ۔ جنوبی افریقا میں ٹی ٹوئنٹی ورلڈ کپ میں پاکستان نے آئرلینڈ کو شکست دی جبکہ بھارت، ویسٹ انڈیز اور انگلینڈ کے ہاتھوں شکست ہوئی۔ آسٹریلیا کے دورے میں پاکستانی ٹیم کوئی میچ نہ جیت سکی۔ واضح رہے کہ بسمہ معروف کی قیادت میں پاکستان کی خواتین کرکٹ ٹیم نے 62میں سے27ٹی ٹوئنٹی میچز جیتے 32میں شکست ہوئی۔ جبکہ34میں سے 16ون ڈے میچز میں کامیابی حاصل کی۔
