فرمان الہی
نماز کے اوقات
راولپنڈی (نمائندہ خصوصی) ملتان سلطانز کے کوچ مشتاق احمد بھی سپر لیگ میں لاہور قلند رز کی پرفارمنس کے گرویدہ ہیں، انہوں نے کہا ہے کہ لاہور قلندرز کو کریڈٹ جاتا ہے، انہوں نے بہت اچھی کرکٹ کھیلی۔ لاہور قلندرز کے خلاف میچ کے بعد پریس کانفرنس کرتے ہوئے انہوں نے کہا کہ اسامہ میر کو تیز کھیلنے کے لیے بھیجا تھا اس وقت موقع کی ضرورت تھی شاہین آفریدی، حارث راشد اور سکندر رضا کی موجودگی میں لاہور قلندرز کی بولنگ اچھی ہے ۔ قلندرز کی بولنگ کو چیلنج کرنا ہو گا۔ ڈیوڈ ویزے اور سکندر رضا کی بولنگ کے خلاف رنز لوٹنا ہوں گے ۔ شاہین افریدی اور حارث رؤف پر دباؤ ڈالنے کے لئے دوسرے بولرز کے خلاف رنز کرنا ہوں گے۔مشتاق احمد نےکہا کہ لاہور قلندرز نے اسامہ میر کی بولنگ کے خلاف اچھا پلان کیا، بیٹرز نےاٹیک کیا۔ محمد رضوان اور شان مسعود کے لمبا کھیلنے کا فائدہ ہوتا ہے، بیٹنگ میں کوئی مسئلہ نہیں دکھائی دے رہا۔
