• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران چھپ کر بیٹھے ہیں، بہو بیٹیوں کو باہر کھڑا کیا، مریم نواز

آج کا اخبار
اہم خبریں
06 مارچ ، 2023
کراچی (ٹی وی رپورٹ) پاکستان مسلم لیگ ن کی سینئر نائب صدر اور چیف آرگنائزر مریم نواز شریف نے کہا ہے کہ میں نہیں چاہتی کہ کسی کو سیاست سے باہر کیا جائے،میں کسی کے ساتھ زیادتی نہیں چاہتی ، لیکن جو جرائم اس کے ہیں سزا ہونی چاہیے۔عمران خان جیل جانے کے ڈر سے پانچ ماہ سے ٹانگ پر پلاستر چڑھائے بیٹھا ہے، انہوں نے لوگوں کی بہو بیٹیوں کو اپنی حفاظت کیلئے باہر کھڑا کیا ہوا ہے مریم نوازمسلم لیگ ن نے الیکشن کی تیاری شروع کردی ہے۔میرے دورے 60سے 70فیصد مکمل ہوچکے، میرے پاس جنرل قمر جاوید باجوہ سے متعلق ثبوت نہیں جنرل فیض حمید سے متعلق ہیں۔جیو کے پروگرام ‘‘نیا پاکستان’’ میں شہزاد اقبال سے گفتگو کرتے ہوئے مریم نواز نے کہا کہ پی ٹی آئی کی جیل بھرو تحریک سے ناکام کوئی تحریک نہیں تھی۔انہوں نے کہا کہ عمران خان نے کہاکہ جیل بھرو تحریک کامیاب رہی۔عمران خان نے جیل جانے کے ڈر سے ٹانگ پر پلاستر چڑھاکر رکھاہے۔مریم نواز کا کہنا تھا کہ بیٹی ساتھ ہوتے ہوئے نواز شریف نے گرفتاری دی۔عمران خان نے بیٹی چھپائی ہوئی ہے،عمران خان ڈیکلیریشن فارم میں جھوٹ بولتے ہیں، عمران خان فارن فنڈنگ میں اسرائیل اور بھارت سے پیسے لیتے ہوئے پکڑے گئے۔انہوں نے کہا کہ ایک دن بھی جیل نہ کاٹنےوالا نواز شریف سے مقابلہ نہیں کرسکتا۔نواز شریف کو گرفتار کرکے بد ترین انتقام لیا گیا۔ایک گھنٹے کے نوٹس پر کہاجاتاتھا کہ نواز شریف حاضر ہو۔مریم نواز نے مزید کہا کہ عمران خان نے ہر کیس میں جھوٹ بولا ہواہے ،عدالت میں پیش نہیں ہوتے۔جس برق رفتاری سے نواز شریف کے کیسز چلتے تھے ان کے نہیں چلے۔حالیہ تقاریر میں جنرل ریٹائرڈ قمر جاوید باجوہ کا نام نہ لینے کے سوال پر مریم نواز کا کہنا تھا کہ میرے پاس جنرل باجوہ سے متعلق ثبوت نہیں جنرل فیض سے متعلق ہیں، انہوں نے کہا کہ عمران خان جانےوالے چیف کا گریبان اور آنےوالےکے پاؤں پکڑ رہاہے۔میں فیض حمید کے ریٹائر ہونے کا انتظار نہیں کر رہی تھی۔مریم نواز نے کہا کہ ملک میں فتنہ اور انتشار کرنے والے اور نواز شریف میں فرق ہے۔ عمران خان کی طرف سے سائفر کی جھوٹی کہانی گھڑی گئی۔ ایک لیڈرجو اسٹیبلشمنٹ کی پیداوار ہے وہ عوامی لیڈر کیسے ہوسکتا ہے۔جب سے عمران خان کی بیساکیھاں گئی ہیں اس کا حال سب کے سامنے ہے۔ ن لیگ کی سینئرنائب صدر مریم نواز کا کہنا تھا کہ ملک کو اس وقت سیاسی استحکام کی ضرورت ہے۔میں نہیں چاہتی کہ کسی کو سیاست سے باہر کیا جائے۔میں کسی کے ساتھ زیادتی نہیں چاہتی ، لیکن جو جرائم اس کے ہیں سزا ہونی چاہیے۔ انہوں نے کہا کہ میں عمران خان کے ساتھ زیادتی نہیں چاہتی۔زیادتی نواز شریف سے کی گئی جو اس نے سہہ لی۔چاہتی ہوں عمران خان نےجوجرائم کیےکم ازکم قانون اس پرحرکت میں آئے۔نواز شریف بے گناہ نا اہل ہوئے، انہیں انصاف ملنا چاہئے۔مریم نواز نے کہا کہ عمران خان کی بیوی نے ایک فائل پر دستخط کےپانچ قیراط کاہیرا لیا۔ایک شخص چارسال مال بناتارہا،اس کی بیوی مال بناتی رہی۔ان کا کہنا تھا کہ ایسے شخص کو نواز شریف کے ساتھ کیسے برابر کر رہے ہیں۔الیکشن سے متعلق سوال پر مریم نواز نے کہا کہ مسلم لیگ ن نے بھرپور الیکشن کی تیاری کر لی ہے۔ مسلم لیگ ن نے الیکشن کی تیاری شروع کردی ہے۔میرے دورے 60سے 70فیصد مکمل ہوچکے۔
اہم خبریں سے مزید