• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاگل خان ہمیں دلدل میں پھنسا گیا، مشکل سے پار لگیں گے، زرداری

آج کا اخبار
اہم خبریں
08 مارچ ، 2023
وہاڑی(ایجنسیاں)پیپلز پارٹی کے شریک چیئر مین اورسابق صدر آصف علی زرداری نے کہا ہے کہ پاگل خان ہمیں ایسی دلدل میں پھنسا گیاکہ بڑی مشکل سے پار لگیں گے لیکن لگیں گے ضرور ، دیوالیہ ہوگیا ،دیوالیہ ہوگیا یہ باتیں ہورہی ہیں‘ امریکا ، جاپان اور برطانیہ بھی دیوالیہ ہوگئے تھے، اس سے کچھ فرق نہیں پڑتا‘اونچ نیچ آتی رہتی ہے‘یہ عارضی مشکل ہے‘انشاء اللہ غریب کی آواز اللہ سنے گا‘ یہ ملک کسی خاص طبقے کا نہیں بلکہ ہم سب کا ہے‘ وہ وقت آئے گا جب ملکی بہتری کے فیصلے صرف ہم کریں گے‘پاکستان کو ہرقیمت پر مسائل سے نکالوں گا ۔ منگل کو یہاں استقبالیہ تقریب سے خطاب کرتے ہوئے آصف علی زرداری نے کہا کہ ایک بے وقوف کو وزیراعظم بنادیا گیا جس نے معیشت کو تباہی کےدہانے پر لا کھڑا کیا ہے، اسے کوئی سمجھ ہی نہیں تھی، پاگل خان نے ملک کا خانہ خراب کردیا، عمران خان واپس وہاں جانا چاہتا ہے جہاں سے اسے نکالا گیا۔انہوں نے کہا کہ آج بھی وہ سیاست میں ون ڈے کرکٹ کھیل رہاہے تاہم میں نے عزم کر رکھا ہے ملک کو مسائل سے نکالوں گااور ہر قیمت پر نکالوں گا۔
اہم خبریں سے مزید