رمضان کی آمد سے قبل ہی گداگروں کے شہر میں ہرطرف ڈیرے

کراچی (این این آئی)کراچی میں رمضان المبارک کی آمد سے قبل گدا گروں کے گروہوں نے شہرکے مختلف علاقوں میں ڈیرے ڈالنا شروع کردیئے ہیں۔جامعہ کلاتھ، نیوکراچی سمیت شہرکے مختلف شاپنگ سینٹروں اوردیگر رہائشی وتجارتی علاقوں میں گدا گروں کی بڑی تعداد نظر آرہی ہے۔محتاط اندازے کے مطابق اس وقت کراچی میں 50 ہزار سے زائد گدا گروں نے مختلف علاقوں میں ڈیرے ڈال دیئے ہیں ساتھ ہی گداگروں نے شہریوں کو بھی سخت ذہنی اذیت اورکوفت میں مبتلا کردیا ہے۔ایس ایس پی عرفان بلوچ نے بتایا کہ یہ گروہ کی شکل میں آتے ہیں جبکہ شہریوں کا کہنا ہے کے یہ ایسے تنگ کرتے ہیں جیسے ان کا قرضہ ہو۔شہرکی اہم مارکیٹوں جن میں خصوصاً حیدری، طارق روڈ، پاپوش، ناظم آباد، لیاقت آباد، صدر زینب مارکیٹ، مشرق سینٹر، گلستان جوہر، سپر مارکیٹ شامل ہیں۔جامعہ کلاتھ، نیوکراچی سمیت شہرکے مختلف شاپنگ سینٹروں اوردیگر رہائشی وتجارتی علاقوں میں گدا گروں کی بڑی تعداد نظر آرہی ہے۔