• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

زمان پارک میں تربیت یافتہ دہشت گرد ہیں، ریاست کارروائی کرے، مریم نواز

آج کا اخبار
اہم خبریں
20 مارچ ، 2023
لاہور( آئی این پی)مسلم لیگ (ن) کی سینئر نائب صدر و چیف آرگنائزر مریم نواز نے کہا ہے کہ زمان پارک میں سیاسی کارکن نہیں بلکہ تربیت یافتہ دہشت گرد ہیں ، اس سے پہلے کہ بہت دیر ہوجائے ریاست کارروائی کرے۔ سماجی رابطے کی ویب سائٹ ٹوئٹر پر ایک بیان میں مریم نواز نے ویڈیو جاری کرتے ہوئے کہا کہ ان ویڈیوز کو قریب سے دیکھ کر،اس حقیقت کو نظر انداز کرنا مشکل ہے کہ یہ سیاسی کارکن نہیں ، وہ تربیت یافتہ دہشت گرد اور کالعدم تنظیموں سے بھرتی کیے گئے شرپسند ہیں جن کی عمران خان نے ہمیشہ حمایت کی ہے۔مریم نواز نے مطالبہ کرتے ہوئے کہا کہ ثبوت خود بولتا ہے، اس سے پہلے کہ بہت دیر ہو جائے ریاست کو کارروائی کرنی چاہیے۔
اہم خبریں سے مزید