فرمان الہی
نماز کے اوقات
اسلام آباد (صالح ظافر) حکمران اتحاد نے پی ٹی آئی اور اس کے قائد عمران خان کے ساتھ بات چیت کے حوالے سے قومی اسمبلی کے فلور پر وزیر اعظم شہباز شریف کے موقف کی توثیق کی ہے جہاں اتحاد نے اس طرح کی بات چیت کے لیے پیشگی شرط رکھ دی ہے۔
وزیر اعظم نے عمران سے کہا کہ وہ حکمران اتحاد کے ساتھ کسی بھی بات چیت میں شریک ہونے سے پہلے اپنی حماقتوں اور دھوکہ دہی پر قوم سے غیر مشروط معافی مانگیں۔
ذرائع کے مطابق حکومت سپریم کورٹ کے تین رکنی بینچ کی کارروائی کے بائیکاٹ کے آپشن پر غور کرے گی۔
حکمران اتحاد کے اعلیٰ ذرائع نے دی نیوز کو بتایا کہ حکمران اتحاد کے سرکردہ رہنما آج (ہفتہ) لاہور میں اپنے اجلاس میں پی ٹی آئی سے نمٹنے کے لیے حکمت عملی تیار کریں گے جس نے گزشتہ ماہ اس کا دہشت گردانہ چہرہ بے نقاب کر دیا تھا جب پارٹی کے مکمل تربیت یافتہ اور مسلح اہلکاروں نے قانون نافذ کرنے والے اہلکاروں کے خلاف پٹرول بم اور دیگر دہشت گردی کے حربے استعمال کیے تھے۔
اتحاد کو جے آئی ٹی کی رپورٹ کے نتائج کا بے چینی سے انتظار ہے جس نے ابتدائی طور پر عمران کی زمان پارک کی رہائش گاہ میں چھپے لوگوں کے بارے میں کچھ چونکا دینے والی معلومات اکٹھی کی ہیں۔
ذرائع کا کہنا ہے کہ حکومتی اتحاد پی ٹی آئی یا عمران کے ساتھ منظم مذاکرات نہیں کرے گا کیونکہ وہ قابل اعتماد لوگ نہیں ہیں۔ اتحاد کی قیادت مذاکرات کے لیے عمران کی بے صبری اور اس کے مقاصد پر بات کرے گی۔
شہباز شریف کی رہائش گاہ پر ہونے والی ملاقات میں عدالت عظمیٰ میں جاری قانونی تنازعات پر بھی بات کی جائے گی۔
ذرائع کا کہنا ہے کہ حکومت سپریم کورٹ کے تین رکنی بینچ کی کارروائی کے بائیکاٹ کے آپشن پر غور کرے گی جس کی تعداد نو سے کم ہو کر تین ہو گئی ہے۔
حکمران اتحاد کے رہنما بعض معاملات پر سپریم جوڈیشل کونسل کا دروازہ کھٹکھٹانے کی تجویز پر بھی غور کریں گے۔
ذرائع نے عندیہ دیا ہے کہ مسلم لیگ ن کے قائد نواز شریف بھی لندن سے بات چیت میں شامل ہوں گے۔
