فرمان الہی
نماز کے اوقات
کراچی (اسٹاف رپورٹر) نیوزی لینڈ ٹی ٹوئنٹی کرکٹ ٹیم پاکستان کے دورے پر منگل کی صبح لاہور پہنچ رہی ہے۔جمعرات کو مہمان ٹیم کا پہلا پریکٹس سیشن قذافی اسٹیڈیم لاہور میں ہوگا۔ پاکستان ٹیم منگل کو آرام کرے گی۔جمعرات کو سیریز کی ٹرافی کی رونمائی ہوگی۔ پہلا ٹی ٹوئنٹی انٹر نیشنل جمعے کی شب 9بجے شروع ہوگا۔ دریں اثنا راولپنڈی اور کراچی میں ہونے والے ٹی ٹوئنٹی اور ون ڈے میچوں کے آن لائن ٹکٹوں کی فروخت منگل سے شروع ہو رہی ہے۔ راولپنڈی میں دو ٹی ٹوئنٹی اور دو ون ڈے میچ کھیلے جائیں گے ۔ کراچی میں تین ون ڈے میچ 3،5 اور 7مئی کو کھیلے جائیں گے۔ ٹی ٹوئنٹی میچز کے ٹکٹوں کی قیمت پانچ سو روپے سے شروع ہوگی ۔ وی آئی پی انکلوژر کا ٹکٹ ایک ہزار جبکہ تھرڈ فلور گیلری کے ٹکٹ تین ہزار اور 5روپے میں فروخت ہوں گے۔ راولپنڈی میں ٹی ٹوئنٹی میچز 20اور 24اپریل کو ہوں گے ۔ 27 اور 29اپریل کو پہلے دو ون ڈے کے ٹکٹس 300 ، 500اور 3ہزار میں دستیاب ہوں گے ۔ کراچی میں شائقین 250 سے ایک ہزار روپے کا ٹکٹ خرید سکیں گے ۔ لاہور کے ٹکٹ پہلے ہی فروخت ہورہے ہیں۔
