فرمان الہی
نماز کے اوقات
سکھر (بیورورپورٹ ) سکھر کے علاقے بچل شاہ میانی میں عید کے موقع پر گھروں میں کہرام مچ گیا، دو گروپوں میں خونی تصادم خواتین بچوں سمیت 6 افراد کی جان لے گیا، تصادم کے دوران جدید ہتھیاروں کا استعمال کیا گیا جس کے باعث علاقے میں خوف و ہراس پھیل گیا، اطلاع ملتے ہی ایس ایس پی سکھر سنگھار ملک پولیس کی بھاری نفری کے ہمراہ موقع پہنچ گئے اور صوتحال کو کنٹرول کیا، پولیس کے مطابق سکھر کے نواحی علاقے تھانہ ائیرپورٹ کی حدود بچل شاہ میانی میں خروس برادری کے دو گروپوں میں تصادم ہو گیا ایک گروپ کے حملے میں ایک شخص جانبحق ایک زخمی ہوا دوسرے گروپ کے جوابی حملے میں چار خواتین سمیت پانچ افراد جانبحق چار افراد شدید زخمی ہوئے ہیں، تصادم اور فائرنگ کے باعث علاقے میں شدید خوف و حراس پھیل گیا ، پولیس نے علاقے کا محاصرہ کرکے متوفیوں اور زخمیوں کو اسپتال منتقل کردیا ہے پولیس نے گھر گھر تلاشی کے ساتھ ساتھ ناکہ بندی کردی ہے، ایس ایس پی سکھر سنگھار ملک نے بتایا کہ خروس برادری کے دو گروپوں میں پرانا تنازع ہے جس کے باعث تصادم میں دونوں جانب سے 6 افراد جاںبحق 5 زخمی ہوئے ہیں علاقے کی ناکہ بندی کردی ہے واقعے میں ملوث ملزمان جلد گرفتار کیا جائے گا پولیس کی بھاری نفری علاقے میں موجود رہے گی۔
