فرمان الہی
نماز کے اوقات
کراچی (اسٹاف رپورٹر) سڈنی کرکٹ گراؤنڈ کے دو گیٹ عظیم سابق کرکٹرز بھارت کے سچن ٹنڈولکر اور ویسٹ انڈین برائن لاراکے ناموں سے منسوب کر دیے گئے ہیں۔ اس سے قبل سر ڈان بریڈ مین ، ایلن ڈیوڈسن اور آرتھر مورس کے ناموں سے گیٹ منسوب کئے گئے تھے۔ سچن ٹنڈولکر کی 50 ویں سالگرہ کے موقع پر یہ اعزاز دیا گیا ہے۔ برائن لارا کی ایس سی جی میں 277 رنز کی اننگز کو تیس سال مکمل ہونے پر اعزاز دیا گیا ۔ مہمان ٹیم کے کھلاڑی گراؤنڈ میں لارا ٹنڈولکر گیٹس سے داخل ہوں گے ۔ آسٹریلیا کرکٹ ٹیم سر ڈان بریڈ مین گیٹ سے گرائونڈ میں داخل ہوتی ہے ۔ دریں اثنا ءبھارتی کرکٹ ٹیم شارجہ میں کھیلنے سے انکارکرتی رہی ہے لیکن شارجہ کے منتظمین نے پیر کو ایک ایک تقریب میں ویسٹ اسٹینڈ کو سچن ٹنڈولکر کے نام سے منسوب کردیا۔25سال قبل سچن نے اس گراونڈ پر دو میچوں میں دو سنچریاں بنائی تھیں۔
