فرمان الہی
نماز کے اوقات
کراچی (اسٹاف رپورٹر)انٹرنیشنل لیبر ڈے باکسنگ ٹورنامنٹ پیر یکم مئی کوہوگا،ٹورنامنٹ کے دوران نیشنل گیمز کوئٹہ کے لئے سندھ باکسنگ ٹیم کا انتخاب کیا جائے گا ۔ کراچی ڈویژن باکسنگ ایسوسی ایشن کے زیر اہتمام سندھ باکسنگ ایسوسی ایشن کے تعاون سے ایک روزہ مقابلے استاد محمد علی قمبرانی باکسنگ اسٹیڈیم ککری اسپورٹس کمپلیکس لیاری میں منعقد ہوں گے۔ جس میں کراچی کے 7اضلاع کے بوائز انڈر14 اور گرلز انڈر16 کے باکسرزمختلف کیٹگریز میں جبکہ سینئر کلاس میں حیدرآباد، میرپورخاص، لاڑکانہ، سکھر کے علاوہ کراچی کے مرد اور خواتین باکسرزمختلف ویٹ کیٹگریز میں حصہ لیں گے۔کھلاڑیوں کے وزن و ڈراز یکم مئی صبح 8:30 تا 10:30 بجے مسلم آزاد باکسنگ کلب ککری گراؤنڈ لیاری میں ہونگے۔
