فرمان الہی
نماز کے اوقات
کراچی (اسٹاف رپورٹر) پاکستان کرکٹ بورڈ کے سابق چیئرمین لیفٹنٹ جنرل (ر) توقیر ضیاء کا کہنا ہے کہ بھارتی کرکٹ بورڈ کے ہاتھ میں کچھ نہیں، تمام فیصلے بھارتی حکومت نے کئے ہیں۔ بھارتی حکومت چاہتی ہے پاکستان کےساتھ کرکٹ نہیں کھیلی جائے۔ بھارتی حکومت کے انکارکےبعد حکومت پاکستان کا ردعمل انتہائی اہم ہے۔ منگل کو لاہور میں میڈیا سے بات کرتے ہوئے انہوں نے کہا کہ اس وقت بابر اعظم سے کپتانی لینا زیادتی ہوگی۔ شروع سے کہتا ہوں کہ تینوں فارمیٹ کے لئے ایک کپتان نہیں ہونا چاہئے۔ بابر اعظم کو دو فارمیٹ میں کپتان رکھا جائے، انہوں نے کہا کہ پاکستانی کوچز کی دوستیاں نبھانے والی بات سچ ہے۔ مکی آرتھر ڈاربی شائرکےکوچ ہیں، پاکستان ٹیم کیساتھ کیسے کام کریں گے؟پی سی بی کو مکی آرتھر کی ذمہ داریوں میں توازن پیدا کرناہوگا۔
