فرمان الہی
نماز کے اوقات
کراچی(اسٹاف رپورٹر)نیو ٹاون تھا نے کی حدودبہادر آباد سے اغوا کیے جانے والے تاجر کو ملزمان نقد رقم اور موبائل فون چھیننے کے بعد سیہون میں چھوڑ کر فرار ہوگئے۔تفصیلات کے مطابق مسلح ملزمان بہادر آبادکراچی سے تاجر کو رات گئے اپنی گاڑی میں اغوا کرکے لے گئے، ملزمان تاجر سے سیہون میں نقد رقم اور موبائل فون چھیننے کے بعد چھوڑ کر فرار ہوگئے،مقامی تاجر جنید نے نیو ٹاون تھانےمیں واردات کی درخواست جمع کرادی ، تاجر کا کہنا تھا کہ میں گزشتہ رات پونے ایک بجے بہادر آباد چائے کے ہوٹل پر تھا ایک گاڑی میں موجود مسلح ملزمان میرے پاس آئے اور اسلحےکے زور پر کہاکہ پچھلی سیٹ پر بیٹھ جاؤ اور2ملزمان بھی پیچھے بیٹھ گئے،تاجر نے بتایا کہ ملزمان شارع فیصل سمیت کئی مقامات سے ہوتے ہوئے سیہون پہنچےاور مجھ سے نقد 3لاکھ روپے اور موبائل فون چھیننے کے بعدمجھے سیہون میں ایک سنسان جگہ پر اتار کر گاڑی میں فرار ہوگئے تھے۔ تاجر جنید نے بیان میں کہا کہ ملزمان نے میرا پاسورڈ لے کر میرے اے ٹی ایم سے گاڑی میں پیٹرول بھی ڈلوایا، میں کرائے کی گاڑی لے کر واپس کراچی پہنچا ہوں۔دریں اثنا سپرہائی وے پر ڈکیتی کے دوران مزاحمت پر ڈاکووں کی فائرنگ سے باپ بیٹا زخمی ہوگئے،پولیس کا کہنا ہے کہ زخمی محمد وارث لاڑکانہ سے کراچی بیٹے کے گھر آیا تھا، باپ اور بیٹے نے ایک ڈاکو کو پکڑا تو دوسرے نے فائرنگ کردی،پولیس کے مطابق ڈاکو کی فائرنگ سے باپ بیٹا زخمی ہوگئے، جبکہ ملزمان موقع سے فرار ہوگئے۔ پو لیسنے مختلف علاقوں میں مبینہ مقابلوںمیں 7 ڈاکوں کو زخمی حالت میں گرفتار کر لیا ۔تفصیلات کے مطابق منگھو پیر تھانے کی حدود مغل کانٹا کے قریب پولیس اور ڈاکوؤں کے درمیان مبینہ مقابلےمیں 3 زخمیوں سمیت4 ڈاکوؤں کو گرفتار کرلیا،پولیس کے مطابق زخمی ڈاکوں حمید شاہ ، ساجد اور نثار جبکہ سہیل کو گرفتار کیا گیا، پولیس نے 2 پستول ، راؤنڈز، 3 چھیننے ہو ئےموبائل فونز اور موٹر سائیکل برآمد کر لی۔سچل تھانے کی حدودمدینہ کالونی عندلیب چوک کے قریب مبینہ پولیس مقابلے میں ملزم شیرا خان کو زخمی حالت میں گرفتار کر لیا ۔
