فرمان الہی
نماز کے اوقات
کراچی( اسٹاف رپورٹر) پاکستان خواتین کرکٹ ٹیم کے ہیڈ کوچ مارک کولز نے کراچی پہنچنے کے بعد اپنی ذمے داری سنبھال لی،ہفتے کو انہوں نے اسٹیٹ بنک گرائونڈ پر چار قومی خواتین کر کٹ کپ کا میچ بھی دیکھا اور کھلاڑیوں کی کار کردگی کا جائزہ لیا،انہوں نے کھلاڑیوں کو ٹپس بھی دیں۔ماضی میں بھی قومی خواتین ٹیم کے لیے ذمہ داریاں ادا کرنے والے مارک کولز کا تعلق نیوزی لینڈ سے ہے۔ مارک کولز نے کہا کہ ایشین کرکٹ کونسل کے تحت 23برس سے کم عمر خواتین کرکٹرز کے لیے 12سے 21جون تک ہانگ کانگ میں کھیلے جانے والا پہلا ایمرجنگ ایشیا کپ ان کا پہلا ٹاسک ہوگا۔مارک کولز نے کہا کہ وہ پاکستان واپس آکر بہت خوش ہیں۔ کراچی میں جاری نیشنل ویمن کرکٹ ٹورنامنٹ کے لیے پرجوش ہیں۔اس ایونٹ سے کھلاڑیوں کی صلاحیتوں کا جائزہ لینے میں مدد ملے گی۔
