انٹر بینک میں ڈالر کی قیمت 1.60 روپے تک کم

کراچی ( اسٹاف رپورٹر) کرنسی مارکیٹ، روپے کے مقابلے پر انٹر بینک میں ڈالر کی قیمت 1.60 روپے تک کم ہو گئی.

اوپن مارکیٹ میں استحکام، یورو کی قیمت میں 70 پیسے کا اضافہ،پاونڈ ایک روپے تک سستا ہو گیا.

 فاریکس ایسوسی ایشن کی جاری کردہ رپورٹ کے مطابق جمعرات کو روپے کے مقابلے پر انٹر بینک میں ڈالر کی قیمت خرید 1.60 روپے کی کمی سے 287.00روپے سے کم ہو کر 285.40روپے اور قیمت فروخت ایک روپے کی کمی سے 287.50 روپے سے کم ہو کر 286.50 روپے ہو گئی ہے

،تاہم اوپن مارکیٹ میں ڈالر کی قیمت خرید 306.00 روپے اور قیمت فروخت 309.00 روپے پر برقرار رہی .

فاریکس رپورٹ کے مطابق یورو کی قیمت خرید 70پیسے کے اضافے سے 328.00 روپے سے بڑھ کر 328.70 روپے ہوگئی لیکن قیمت فروخت 332.00 روپے پر برقرار رہی،جبکہ برطانوی پاونڈ کی قیمت خرید 80پیسے کی کمی سے 379.00 روپے سے کم ہو کر 378.20روپے اور قیمت فروخت ایک روپے کی کمی سے 383.00 روپے سے کم ہو کر 382.00روپے ہو گئی ہے ،دریں اثنا جمعرات کو اسٹیٹ بینک کا ڈالر کلوزنگ ریٹ 1.39 روپے کی کمی سے 285.74روپے پر آگیا ہے۔