فرمان الہی
نماز کے اوقات
کراچی (اسٹاف رپورٹر) کوئٹہ گلیڈی ایٹر کے مالک ندیم عمر نے لنکا پریمیئرلیگ کی گال گلیڈی ایٹرز سے اپنی راہیں جدا کر لی ہیں۔ بدھ کو نمائندہ جنگ کے رابطے پر ندیم عمر نے تصدیق کی کہ پیسوں کی ٹرانسفر اور دیگر انتظامی معاملات میں مشکلات تھیں اس لئے ٹیم کو خدا حافظ کہہ دیا ہے ۔ ٹیم کا نیا نام گال ٹائیٹن ہوگا ۔چند روز قبل کراچی سٹی کرکٹ ایسوسی ایشن کے صدر بننے والے ندیم عمربدستور کوئٹہ گلیڈی ایٹرز میں اپنی ذمے داریاں نبھاتے رہیں گے۔ امکان ہے کہ وہ پی سی بی کے نئے بورڈ آف گورنرز میں کراچی کی نمائندگی کریں گے۔ ٹورنامنٹ 30 جولائی سے 22 اگست 2023 تک ہوگا۔ پاکستان کےشعیب ملک، عماد وسیم، وہاب ریاض، اعظم خان، محمد حسنین، افتخار احمد، امام الحق ،عبداللہ شفیق ، فواد عالم، محمد نواز، وسیم جونیئر، صائم ایوب، حارث سہیل،محمد حفیظ، حیدر علی، آصف علی،سرفراز احمد، فہیم اشرف ودیگر نے لیگ کیلئے رجسٹریشن کرائی ہے۔
