فرمان الہی
نماز کے اوقات
کراچی ( اسٹاف رپورٹر) سری لنکا کے خلاف ٹیسٹ سیریز کیلئے پاکستانی ٹیم میں نئے نوجوان کھلاڑیوں کو آزمانے کا قوی امکان ہے۔ میڈیا رپورٹ میں ذرائع کے حوالے کہا جارہا ہے کہ ٹیسٹ سیریز کیلئے عمیر بن یوسف، محمد ہریرہ، عامر جمال ٹیم میں شمولیت کے مضبوط امیدوار ہیں۔ اسکواڈ کا اعلان ایک سے دو روز میں ہوگا۔ وکٹ کیپر سرفراز احمد اور فاسٹ بولر حسن علی کی ٹیسٹ اسکواڈ میں جگہ برقرار رہے گی۔ میر حمزہ اور زاہد محمود کا جگہ برقرار رکھنا مشکل ہوگیا جبکہ وسیم جونیئر بھی اسکواڈ کا حصہ نہیں ہوں گے۔ ذرائع کے مطابق دورے کی تیاریوں کیلئے مختصر کیمپ جولائی کے پہلے ہفتے میں کیمپ کراچی میں لگایا جائے گا ۔ دریں اثنا پی سی بی کا بولنگ کوچ کیلئے سابق جنوبی افریقی فاسٹ بولر مورنے مورکل سے معاہدہ ہو گیا۔ جیو نیوز کے مطابق وہ سری لنکا کے خلاف ٹیسٹ سیریز میں ٹیم کے ہمراہ ہوں گے۔ ان کی کیمپ میں بھی دستیابی کا امکان ہے۔
