فرمان الہی
نماز کے اوقات
کراچی ( اسٹاف رپورٹر) آئی سی سی ورلڈ کپ کر کٹ کے شیڈول کے تاخیر سے اعلان نے شائقین کو مشکلات میں مبتلا کردیاہے۔ مختلف ملکوں سے بھارت جانے کے خواہشمندکر کٹ مداحوں نے ہوٹل کی بکنگ اور لاجسٹک مسائل کا شکوہ کیا ہے۔ ان کا کہنا ہے کہ ائیر لائن ٹکٹوں کو بک کرنے میں دشواری کا سامنا ہے، دنیا بھر کے شائقین میں سب سے زیادہ دل چسپی پاک بھارت میچ میں ہے ، ٹکٹوں کی آن لائن بکنگ میں بھی یہ میچ بازی لے گیا ہے۔ شیڈول کے اعلان کے مطابق ہی ویزاکے لیے درخواستیں دی جائیں گی۔ وقت کم ہونے کی وجہ سے ویزہ کے حصول میں دشواری ہو گی، شیڈول کا اعلان نہ ہونے کی وجہ سے ٹریول پیکجز کا بھی اعلان نہیں ہوپارہا۔ ماضی میں آئی سی سی ایونٹس کے شیڈول کا اعلان بہت پہلے کیا جاتا تھا، ایک سال پہلے اعلان کے باعث فینز کو پلاننگ کرنے میں آسانی ہوتی ۔
