• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی، بینظیر انکم سپورٹ پروگرام کے مرکز میں بھگدڑ، 16 خواتین زخمی و بے ہوش

آج کا اخبار
اہم خبریں
27 جون ، 2023
کراچی(اسٹاف رپورٹر) شہر قائد کراچی کے علاقے کیماڑی میں واقع کے پی ٹی گرائونڈ میں بینظیر انکم سپورٹ پروگرام کے مرکز میں بھگدڑ کے نتیجے میں امداد کے حصول کیلئے آنیوالی16خواتین زخمی اور بیہوش ہوگئیں،زخمی خواتین کو ریسکیو کرنے کیلئے متعدد ایمبولینس روانہ کی گئیں جن کے ذریعے زخمی خواتین کو اسپتال منتقل کیا گیا، ریسکیو ذرائع کے مطابق ایک زخمی خاتون کی حالت تشویش ناک ہے، دوسری جانب علاقہ پولیس کے مطابق کے پی ٹی اسکول میں بینظیر انکم سپورٹ پروگرام کا کیمپ لگا تھا، جس کے باہر خواتین اور بچوں کی بڑی تعداد موجود تھی۔پولیس کا کہنا ہے کہ اسکول کا گیٹ کھلا تو اندر جانے کیلئے بھگدڑ مچ گئی،ایک متاثرہ خاتون نے بتایا کہ بینظیر انکم سپورٹ پروگرام کے تحت ہمیں پیسے دینے بلایا گیا تھا۔
اہم خبریں سے مزید