فرمان الہی
نماز کے اوقات
کراچی( اسٹاف رپورٹر)پاکستان ہاکی فیڈریشن نے انٹرنیشنل رینکنگ میں بہتری لانے کے لئے مختلف ڈومیسٹک اور انٹر نیشنل ایونٹ میں قومی ہاکی ٹیم کی شرکت کا اعلان کردیا ہے9سے18جولائی تک لاہور میں چوتھا چیف آف نیول ا سٹاف ہاکی کپ 15 سے 12 اگست راولپنڈی میں ماڑی پیٹرولیم آزادی ہاکی کپ منعقد کیا جائے گا۔24 تا 4 ستمبر عمان کے شہر صلالہ میں مینز اینڈ ویمنز فائیو اے سائیڈ ورلڈ کہ کوالیفائنگ راؤنڈ میں پاکستان شرکت کرے گا،23سے8اکتوبر تک ایشن گیمز چین میں ٹیم حصہ لے گی ، آرمی ویلفیئر ٹرسٹ کے اشتراک کے ساتھ 9 سے 18 اکتوبرقومی سینئر ہاکی چیمپیئن شپ راولپنڈی میں منعقد ہوگی۔27 اکتوبر تا 4 نومبر ملائشیا میں سلطان جوہر جونیئر مینز ہاکی کپ میں قومی ٹیم شرکت کرے گی۔5 سے16 دسمبر تک جونیئر ہاکی ورلڈ کپ میں جونیئر ہاکی ٹیم شرکت کرے گی۔ اس کے علاوہ چیف آف آرمی سٹاف انٹرکلب ہاکی چیمپیئن شپ کا دوسرا ایڈیشن بھی دسمبر میں کھیلا جائے گا۔
