سکردو (نثار عباس نامہ نگار) گلگت بلتستان کے نئے وزیراعلیٰ کے انتخاب کے لئے شیڈول جاری کردیا گیا۔ کاغذات نامزدگی 12 جولائی کو وصول کئے جایئں گے‘ پولنگ 13 جولائی کو دوپہر 12 بجے اسمبلی ہال میں ہوگی،سیکرٹری گلگت بلتستان اسمبلی عبدالرزاق کی جانب سے جاری کئے گئے شیڈول کےمطابق وزیراعلیٰ کے عہدے کے لئے 12 جولائی کو دن 2 بجے امیدواروں سے کاغذات نامزدگی اسمبلی سیکرٹریٹ میں وصول کئے جایئں گے۔ پریزائڈنگ آفسیر امیدواروں کے کاغذات کی جانچ پڑتال 12جولائی سہ پہر 4 بجے کریں گے۔ انتخاب سے دستبرداری 13 جولائی کو صبح 10 بجے ہوگی۔ وزیراعلیٰ جی بی کے انتخاب کے لئے پولنگ 13 جولائی کو دوپہر 12 بجے اسمبلی ہال میں ہوگی۔
فرمان الہی
نماز کے اوقات
