• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کرکٹ سے محبت کرنے والے ارب پتی کھیل یو ایس میجر لیگز میں لانے کو تیار

آج کا اخبار
اہم خبریں
14 جولائی ، 2023
کراچی (نیوز ڈیسک) کرکٹ سے محبت کرنے والے ارب پتی اس کھیل کو یو ایس میجر لیگز میں لانے کو تیار، انوراگ جین نے راس پیروٹ کے ساتھ ٹیکساس سپر کنگز کی حمایت کردی۔ افتتاحی میجر لیگ کرکٹ اس جمعرات کو ڈیلاس میں شروع ہو رہی ہے۔ تفصیلات کے مطابق انوراگ جین ان دنوں پیروٹ جین کے منیجنگ پارٹنر ہیں جو ایک وینچر کیپٹل فرم ہے جس کی انہوں نے ٹیکساس کے ارب پتی راس پیروٹ جونیئر کے ساتھ مل کر بنیاد رکھی تھی۔ اگر چیزیں منصوبہ بندی پر چلتی ہیں تو جین کھیل پر اس سے کہیں زیادہ اثر ڈال سکتے ہیں جتنا کہ وہ بلے اور گیند سے کر سکتے تھے۔ جین ٹیکساس سپر کنگز کے پیروٹ کے ساتھ جزوی مالک ہیں۔ جین کی ٹیم، جسے بھارت کے چنئی سپر کنگز کی بھی حمایت حاصل ہے، امریکہ میں میجر لیگ کرکٹ کے پہلے کھیل میں لاس اینجلس نائٹ رائیڈرز کی میزبانی کرے گی۔ جین ایک ایسے گروپ کا حصہ ہیں جس میں بھارتی نژاد بااثر کاروباری لوگ شامل ہیں جو دنیا کے دوسرے سب سے زیادہ مقبول گیم کو امریکی حاضرین تک پہنچاتے ہیں۔
اہم خبریں سے مزید