• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چیف جسٹس، آرمی چیف سمیت سربراہان کے پروٹوکول میں کمی کی جائے، پیپلز پارٹی

اسلام آباد (وقائع نگار) پاکستان پیپلز پارٹی کے سیکرٹری جنرل نیئر حسین بخاری نے چیف جسٹس سپریم کورٹ، ہائی کورٹس کے ججز، چیف آف آرمی سٹاف اور دفاعی اداروں کے سربراہان کے پروٹوکول میں کمی کی تجویز دے دی۔ ملک کی بڑی آبادی کو ریلیف دینے کیلئے اشرافیہ اضافی بوجھ برداشت کرکے قربانی کی مثال قائم کرے،سابق چیئرمین سینیٹ نے وزیراعظم پاکستان، چاروں صوبوں کے وزرائے اعلیٰ، گورنرز، وفاقی اور صوبائی وزراء کو دی جانے والی بجلی اور پیٹرول کی مقدار میں 50 فیصد کٹوتی کی بھی تجویز دی۔ اپنے ایک بیان میں پیپلز پارٹی کے سینئر رہنما نیئر بخاری نے کہا کہ ملک کی بڑی آبادی کو ریلیف دینے کے لئے اشرافیہ اضافی بوجھ برداشت کرکے قربانی کی مثال قائم کرے۔ ان کا کہنا تھا کہ پیپلز پارٹی عوامی مشکلات کم کرنے کے لئے زیادہ سے زیادہ عوامی ریلیف پر یقین رکھتی ہے۔ بجلی کے 300 تک یونٹ استعمال کرنے والے متوسط اور غریب طبقے کے لئے بجلی کے نرخوں میں اضافہ نہ کیا جائے۔ انہوں نے کہا کہ سرکاری دفاتر میں ایئر کنڈیشن کا استعمال کم سے کم کیا جائے۔ وزیراعظم، وزرائے اعلیٰ، گورنرز ، وفاقی اور صوبائی وزرا بجلی اور پیٹرول استعمال کرنے میں 50 فیصد کمی کریں۔

اہم خبریں سے مزید