• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سکھر میں بارش کے بعد دو منزلہ عمارت کی چھت گر گئی، 5 جاں بحق

آج کا اخبار
اہم خبریں
25 جولائی ، 2023
سکھر(بیورورپورٹ ) سکھر میں بارش کے بعد دو منزلہ عمارت کی چھت گر گئی، ملبے تلے دب کر دو خواتین اور ایک بچے سمیت 5افراد جاں بحق اور پانچ افراد زخمی ہوگئے، حادثہ سائٹ ایریا میں واقع گوٹھ میاں داد کھوسو میں پیش آیا،دو منزلہ عمارت کی چھت کے ملبے تلے9افراد دب گئے،علاقہ مکین ، پولیس ریسیکو کی ٹیمیں نے امدادی کارروائیوں میں حصہ لیا، امدادی کاموں کے دوران ملبے تلے دبے افراد کو نکال کر سول اسپتال سکھر منتقل کیا گیا،پولیس کے مطابق سکھر کے علاقے سائٹ ایریا میں واقع گوٹھ میاں داد کھوسو میں دو منزلہ عمارت کی چھت اچانک گرگئی، چھت گرنے سے اہلخانہ کے 9افراد ملبے تلے دب گئے، جنہیں ریسکیو آپریشن کے دوران نکال لیا گیا، حادثے میں دو خواتین اور دو بچوں سمیت 5 افراد جاں بحق ہوئے جبکہ دو زخمیوں کو سول اسپتال منتقل کیا گیا، دو زخمیوں کو طبی امداد دیکر اسپتال سے فارغ کر دیا گیا، جاں بحق ہونے والوں میں 30سالہ کشمیراں، رخسانہ، عبدالقدیر اور 5سالہ ایان، 4سالہ امین شامل ہیں۔
اہم خبریں سے مزید