فرمان الہی
نماز کے اوقات
کراچی (اسٹاف رپورٹر) نجم سیٹھی دور میں فارغ ہونے والے سابق ڈائریکٹر ڈومیسٹک کرکٹ ندیم خان کی پاکستان کرکٹ بورڈمیں واپسی کی تیاریاں مکمل ہیں ۔ پی سی بی نے انہیں ٹکٹ بھیج کر برطانیہ سے بلوایا ہے۔ وہ جلد پی سی بی جوائن کریں گے۔ پیر کو انہوں نے ذکاء اشرف سے ملاقات بھی کی ہے۔ندیم خان کو اہم ذمے داری دی جارہی ہے ۔دریں اثنابدھ کو ذکاء اشرف، مصباح الحق ، ندیم خان اور جنرل منیجر جنید ضیاء ڈومیسٹک کرکٹ کے حوالے سے اہم اجلاس میں شرکت کریں گے۔ ذرائع کے مطابق اجلاس میں ریجنز اور ڈیپارٹمنٹل ٹیموں کے حوالے سے فیصلہ اور نئی قومی سلیکشن کمیٹی کے حوالے سے تجاویز پر غور ہو گا۔ اس سے قبل کرکٹ کمیٹی کے سربراہ اور ایڈوائزر مصباح الحق اپنی مشاورت مکمل کریں گے۔ قومی سلیکشن کمیٹی کے اعلان کے بعد نئے سنٹرل کنٹریکٹ کا اعلان بھی ہو گا۔ سلیکشن کمیٹی افغانستان سیریز اور ایشیا کپ کیلئے پاکستان ٹیم منتخب کرے گی۔
