فرمان الہی
نماز کے اوقات
خیرپور(بیورو رپورٹ)10سالہ ملازمہ کے مبینہ قتل کے مقدمے میں گرفتار پیراسد شاہ کی والدہ اماں ڈاڈی نے کہا ہے کہ ان کا بیٹا بے گناہ اور بے قصور ہے وہ گھر کے اندر قرآن شریف اپنے ہاتھوں میں اٹھا کر پریس کانفرنس سے خطاب کر رہی تھیں ۔اما ں ڈاڈی نے کہاکہ میرے بیٹے اسد شاہ نے فاطمہ کو بچوں کا دل بہلانے کے لیے اپنے گھر میں ملازمہ کے طور پر رکھا تھا جہاں وہ گیسٹرو میں مبتلا ہوئی اس کو اسہال ہوگئے بیٹے نے اس کا علاج کرایا اور اس کو بچانے کی کوشش کی لیکن وہ بچ نہیں سکی اور ہلاک ہو گئی انہوں نے کہاکہ میں پاک کتاب اپنے ہاتھوں میں اٹھا کر کہتی ہوں کہ میرا بیٹا بے قصور ہے انہوں نے کہاکہ ہمارے مرید بھی قرآن پاک اٹھا کر گھروں سے نکلیں گے اور ہم بھی نکلیں گے ۔
