فرمان الہی
نماز کے اوقات
کراچی (اسٹاف رپورٹر) پاکستان کرکٹ ٹیم کی ورلڈ کپ 2023کی ’’اسٹار نیشن‘‘ جرسی کی رونمائی کردی گئی۔ اس سلسلے میں پیر کو قذافی اسٹیڈیم لاہور میں تقریب میں چیئرمین پاکستان کرکٹ بورڈ منیجمنٹ کمیٹی ذکا اشرف نے شرکت کی۔اس جرسی کا ہر اسٹار کرکٹ کے میدان میں کارناموں ، چمک دمک اور کچھ کردکھانے کی خواہش کی عکاسی کرتا ہے۔ ذکا اشرف کا کہنا ہے کہ اسٹار نیشن جرسی سے ہمارے کرکٹرز اور جوشیلے شائقین کے درمیان ہر میچ میں ایک مضبوط تعلق سے جڑے رہیں گے۔ یہ جرسی ہماری کرکٹ کی شاندار روایات اور ورثے اور روشن مستقبل کی عکاس ہے۔ پاکستان کرکٹ بورڈ کے ڈائریکٹر کمرشل عثمان وحید کا کہنا ہے کہ اسٹار نیشن جرسی پر کامیابیاں ، قربانیاں اور کہانیاں نمایاں ہیں۔ جرسی کو پاکستان کرکٹ بورڈ کی آفیشل آن لائن اسٹور سے آرڈر پر حاصل کیا جاسکتا ہے۔
