• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوئٹہ میں فی کلو چینی 240روپے تک فروخت کی جانے لگی

میرا شہر
کوئٹہ
03 ستمبر ، 2023
کوئٹہ(اسٹاف رپورٹر)ملک بھر میں چینی کی قیمت کو ایک بار پھر پر لگ گئے، کوئٹہ میں فی کلو چینی 240روپے تک فروخت کی جانے لگی،یوٹیلٹی اسٹورز میں چینی غائب تفصیلات کے مطابق کوئٹہ سمیت ملک کے بڑے شہروں میں چینی کی فی کلو قیمت ایک بار پھر آسمان سے باتیں کرنے لگی ہیں،کوئٹہ میں ہول سیل باز ار میں چینی کی 100 کلو بوری 23ہزارروپے میں دستیاب ہے، یوں تھوک مارکیٹ میں چینی 235 روپے کلو مل رہی ہےجبکہ ریٹیل مارکیٹ میں چینی 240 روپے کلو میں دستیاب ہے۔ذرائع کے مطابق15روز کے دوران چینی 100 روپے فی کلو مہنگی ہوئی،شہرکے بعض علاقوں میں چینی 245روپے کلو تک پہنچ چکی ہےشہریوں نے چینی کی فی کلو قیمت میں کمی کا مطالبہ کیا اور کہا کہ یوٹیلیٹی اسٹورز پربھی اب چینی دستیاب نہیں غریب عوام دکانداروں کے رحم وکرم پر ہیں اور مہنگے داموں خریدنے پر مجبور ہیں ۔
کوئٹہ سے مزید