فرمان الہی
نماز کے اوقات
اسلام آباد،راولپنڈی (نمائندہ جنگ / نیوزایجنسیز )گوادر میں پاک بحریہ کا ہیلی کاپٹر گر کر تباہ ہونے سےدو افسران اورایک جوان شہید ہو گیا،ترجمان پاک بحریہ کے مطابق ہیلی کاپٹر تربیتی پرواز کے دوران ممکنہ فنی خرابی کے باعث حادثے کا شکار ہوا ،پاک بحریہ کی جانب سے حادثے کی تحقیقات کا آغاز کر دیا گیا ہے۔ دریں اثناء صدرعارف علوی ، نگران وزیراعظم انوارالحق کاکڑ، شہباز شریف ، آصف علی زرداری ،مریم نواز ،سپیکر راجا پرویز اشرف،اور نگران وزیر داخلہ سرفراز احمد بگٹی نے ہیلی کاپٹر حادثے پر افسوس کا اظہار کرتے ہوئے جام شہادت نوش کرنیوالے افسران اور جوان کی درجات کی بلندی کیلئے دعا کی اور شہداء کے لواحقین سے اظہارِ ہمدردی ، صبر جمیل کی دعاکی ہے۔
