کراچی ( اسٹاف رپورٹر) روپے کے مقابلے پر انٹر بینک میں ڈالر کی قیمت فروخت 5پیسے اور اوپن مارکیٹ میں ایک روپے کم ہو گئی، یورو کی قیمت میں2روپے تک اور پاؤنڈ کی قیمت میں 3روپے تک کی کمی ، فاریکس ایسوسی ایشن کی جاری کردہ رپورٹ کے مطابق پیر کو روپے کے مقابلے پر انٹر بینک میں ڈالر کی قیمت خرید 25پیسے کے اضافے سے 305.25 روپے سے بڑھ کر 305.50 روپے ہو گئی لیکن اس کے برعکس قیمت فروخت 5 پیسے کی کمی سے 305.80 روپے سے کم ہو کر 305.75 روپے ہو گئی ہے دوسری جانب اوپن مارکیٹ میں ایک روپے کی کمی سے قیمت خرید 325.00 روپے سے کم ہو کر 324.00 روپے اور قیمت فروخت 328.00 روپے سے کم ہو کر 327.00 روپے ہو گئی ہے ، فاریکس رپورٹ کے مطابق یورو کی قیمت خرید 2 روپے کی کمی سے 350.00 روپے سے کم ہو کر 348.00 روپے ہو گئی تاہم قیمت فروخت 353.00 روپے پر برقرار رہی ، جبکہ برطانوی پاؤنڈ کی قیمت خرید 3 روپے کی کمی سے 409.00 روپے سے کم ہو کر 406.00 روپے اور قیمت فروخت ایک روپے کی کمی سے 413.00 روپے سے کم ہو کر 412.00 روپے ہو گئی ہے ،دریں اثنا پیر کو اسٹیٹ بینک کا ڈالر کلوزنگ ریٹ 17 پیسے کے اضافے سے 305.64 روپے ہو گیا۔