فرمان الہی
نماز کے اوقات
پشاور(نمائندہ جنگ)پشاور کے علاقے ورسک روڈ پر فرنٹیئر کورکے کانوائے پرریمورٹ کنٹرول بم حملے میں ایک سپاہی شہید ،6اہلکاروں سمیت 9افراد زخمی ہوگئے ۔نامعلوم شرپسندوں نے ریموٹ کنٹرول بم پہلے سے سڑک کے کنارے نصب کررکھا تھا اور جونہی ایف سی کی گاڑیاں پہنچی تو اس دوران زوردار دھماکہ ہواجس سے ایک گاڑی کے پرخچے اڑ گئے۔ واقعہ کے بعد پولیس اورسیکورٹی اہلکاروں نے علاقے کو گھیرے میں لیکر بڑے پیمانے پر سرچ اینڈسٹرائیک آپریشن بھی شروع کیا اور متعدد مشکوک افراد کو گرفتار کیا۔ پولیس حکام کے مطابق دھماکہ تھانہ مچنی گیٹ کی حدود میں ورسک روڈ پر نجی ہسپتال کے قریب تقریبا پونے 11بجے ہوا جب ایف سی کی گاڑیاں وہاں سے گزررہی تھیں کہ اس دوران انہیں نشانہ بنایا گیا۔
