• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوئٹہ، ولی تنگی میں چیک پوسٹ پر حملہ، فورسز کا ایک جوان شہید، جوابی کارروائی میں 3 دہشت گرد ہلاک

آج کا اخبار
اہم خبریں
16 ستمبر ، 2023
کوئٹہ (نمائندہ جنگ)ولی تنگی میں دہشتگردوں کا سیکورٹی فورسز پر حملہ فائرنگ کے تبادلے میں ایک جوان شہید ایک زخمی ہو گیا جبکہ جوانوں نے جرات کا مظاہرہ کرتے ہوئے 3 دہشت گردوں کو ہلاک کر دیا، ایک اہلکار زخمی بھی ہوا، آئی ایس پی آر کے مطابق سیکورٹی فورسزامن دشمنوں کی کوششیں ناکام بنانے کیلئے کوشش جاری رکھیں گی۔ سیکورٹی ذرائع کے مطابق ہنہ اوڑک کے علاقے ولی تنگی میں قائم سیکورٹی فورسز کی چیک پوسٹ پر جمعرات اور جمعہ کی درمیانی شب دہشت گردوں نے قریبی پہاڑوں سےشدید فائرنگ کی جس کے نتیجے میں ایک جوان صوبیدار قیصر رحیم شہید جبکہ ایک جوان زخمی ہو گیا، جوانوں نے جرات کا مظاہرہ کرتے ہوئے جوابی کارروائی کی جس کے نتیجے میں تین دہشت گرد مارے گئے۔آئی ایس پی آر کے مطابق دہشت گردوں کے خلاف بہادری سے لڑتے ہوئے مادر وطن کی سلامتی کے فرض کی انجام دہی کے دوران صوبیدار قیصر رحیم نے جام شہادت نوش کیا۔
اہم خبریں سے مزید