فرمان الہی
نماز کے اوقات
کراچی( اسٹاف رپورٹر) اوور 40گلوبل کرکٹ کپ میں پاکستان نے امریکا کو ایک وکٹ سے شکست دے دی۔ تصور عباس نے شاندار بیٹنگ سے ٹیم کو فتح دلائی ۔ نیشنل اسٹیڈیم میں پاکستان نے 251 کا ہدف 9 وکٹ پر 41ویں اوور میں حاصل کرلیا۔ یو ایس اے ویٹرنز نے 250 رنز بنائے، محمد فرح نے 82 رنز اسکور کیے۔ جواب میں چار کھلاڑی 26 رنز پر آؤٹ ہونے کے بعد کپتان مصباح الحق نے 64 اور طارق ہارون نے 43 رنزبنا کر پاکستان ٹیم کی پوزیشن بہتر بنائی۔ آٹھویں نمبر کے بیٹر تصور عباس نے 87 رنز کی ناقابل شکست اننگز کھیل کر پاکستان کو کامیابی دلائی ۔ ایک اور میچ میں ہانگ کانگ نے نیپال کو 8 وکٹوں سے ہرایا۔ ناکام ٹیم 105 رنز بناکر آؤٹ ہوگئی۔ ہانگ کانگ نے ہدف دو وکٹ پر حاصل کرلیا، جون پیٹرک نے 40 اور راہول سمبھس نے 30 رنز بنائے۔
