فرمان الہی
نماز کے اوقات
کراچی ( اسٹاف رپورٹر) قائداعظم ٹرافی کرکٹ ٹورنامنٹ میں لاہور بلوز ریجن نے فاٹا ریجن کو 9 وکٹوں سے ہرادیا۔ ایبٹ آباد میں میچ کے چوتھے اور آخری دن فاٹا اپنی دوسری اننگز میں 214 رنز بناکر آؤٹ ہوگئی۔ سلمان خان 71 ، خوشدل شاہ 73 رنز بنائے۔ علی شفیق نے34 رنز دے کر5 وکٹیں حاصل کیں۔ لاہور بلوز نے 41 رنز کا ہدف ایک وکٹ پر حاصل کرلیا۔ قذافی اسٹیڈیم لاہور میں راولپنڈی اور لاہور ریجن وائٹس کا میچ ڈرا ہوگیا۔ بارش کی وجہ سے آخری دن کا کھیل ممکن نہ ہوسکا۔ پنڈی کرکٹ اسٹیڈیم میں کراچی وائٹس اور فیصل آباد ریجن کے درمیان میچ بھی نتیجہ خیز ثابت نہ ہوسکا۔ آخری دن فیصل آباد اپنی پہلی اننگز میں 122 رنز پر آؤٹ ہوگئی۔ غلام مدثر نے35 رنز دے کر 5 وکٹیں حاصل کیں۔ فالوآن کے بعد فیصل آباد نے دوسری اننگز میں ایک وکٹ کے نقصان پر103 رنز بنائے تھے۔ علی شان 46 رنز پر ناٹ آؤٹ تھے۔پنڈی میں پشاور ریجن اور ملتان ریجن کا میچ کا بھی بے نتیجہ رہا ۔ منگل کو ملتان ریجن نے 263رنز کے جواب میں 7 وکٹوں پر 286 رنز بنائے تھے۔ شرون سراج نے 70 اور زین عباس نے 62 رنز اسکور کیے۔
