• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان کیساتھ وسیع شراکت داری اور تعلقات کو مزید وسعت دینا چاہتے ہیں، امریکی قونصل جنرل لاہور

آج کا اخبار
اہم خبریں
29 ستمبر ، 2023
لاہور(آصف محمود بٹ ) لاہور میں امریکی قونصل جنرل کرسٹن ہاکنز نے کہا ہے کہ ان کے ملک کی صوبہ پنجاب کے لوگوں کے ساتھ تعلیم، اقتصادی، صحت اور قانون کی حکمرانی کے شعبوں اور اس سے آگے وسیع، گہری اور طویل مدتی شراکت داری ہے۔ امریکی قونصلیٹ لاہور آنے والے سالوں میں ان تعلقات کو مزید گہرا اور وسعت دینے کا منتظر ہے۔ پاکستانی طلباء میں انگریزی زبان، قیادت اور تنقیدی سوچ کی مہارت ان کی کمیونٹیز اور ان کے ملک کو فائدہ پہنچائے گی کیونکہ وہ مستقبل میں رہنما بنیں گے۔کرسٹن ہاکنز نے یونیورسٹی آف ایجوکیشن کے ساتھ شراکت میں شروع کئے گئے یو ایس اسپانسرڈ انگلش ایکسیس مائیکرو اسکالرشپ پروگرام میں 175 نئے طلباء کا استقبال کرنے کے لیے فیصل آباد کا دورہ کیا۔انگلش ایکسیس مائیکرو اسکالرشپ پروگرام، جسے امریکی محکمہ خارجہ کی طرف سے مالی اعانت فراہم کی جاتی ہے، ایک سخت، دو سالہ انٹرایکٹو پروگرام ہے جو انگریزی زبان، امریکی ثقافت، تنقیدی سوچ، اور 13 سے 20 سال کی عمر کے طلباء کے لیے قائدانہ صلاحیتوں کی بنیاد بناتا ہے۔ قونصل جنرل ہاکنز نے یونیورسٹی آف ایگریکلچر فیصل آباد (یو اے ایف) کے وائس چانسلر ڈاکٹر اقرار احمد خان سے بھی ملاقات کی۔ پاکستان میں امریکی مشن نے UAF کے ساتھ 200 طلباء کے لیے آنے والے رسائی پروگرام کے لیے ایک معاہدے پر دستخط کیے ہیں۔ UAF نے 2017 سے اب تک 450 طلباء کے لیے امریکی حکومت کے زیر اہتمام انگریزی زبان کے تین پروگرام مکمل کیے ہیں۔ قونصل جنرل ہاکنز نے PUAN ایگزیکٹو بورڈ کے ممبران سے بھی ملاقات کی ، PUAN کے 37,000 اراکین، جو دنیا کے سب سے بڑے سابق طلباء نیٹ ورکس میں سے ایک ہے دونوں ممالک کو جوڑتے ہیں۔قونصل جنرل ہاکنز نے ڈویژنل کمشنر سلوت سعید سے بھی ملاقات کی اورامریکہ اور خطے کے درمیان شراکت داری کے شعبوں پر تبادلہ خیال کیا۔
اہم خبریں سے مزید